ABŞ-ın saxladığı İran gəmisi Çindən İrana bəzi “məxfi” yüklər daşıyırmış.

Musavat.com xəbər verir ki, bunu Amerika Prezidenti Donald Tramp Ağ Evdə jurnalistlərə verdiyi açıqlamada qeyd edib. O, yükün nə olduğunu açıqlamayıb: “Bu, çox məxfidir”. O, həmçinin əlavə edib ki, “qeyri-adi bir şey yoxdur”: “Bu, elə suallardan biridir ki, “Oh, bu yaxşı deyil” demək istəyirsən”.

Bu baxımdan, ondan Çin rəhbərliyinə qəzəbli olub-olmadığını aydınlaşdırmaq istənilib. “Xeyr”. “Düşünürəm ki, biz də digər ölkələrlə eyni şeyi edirik”.

Qeyd edək ki, Tramp 21 apreldə CNBC-də canlı yayımda vurğulayıb ki, İrana qarşı ABŞ-İsrail hərbi əməliyyatı zamanı Çinin İrana müəyyən mallar tədarük etmək qərarından “bir az təəccüblənib”.