İtaliyanın Gənclər və İdman naziri Andrea Abodi 2026-cı il Dünya Kubokunda İranın əvəzinə İtaliyanın iştirak etməsi ilə bağlı səsləndirilən təklifi “uyğunsuz” adlandırıb.

Editor.az xarici mediaya istinadən xəbər verir ki, nazir məsələ ilə bağlı açıqlamasında bu fikirləri səsləndirib:

“İtaliyanın sonradan Dünya Kubokuna daxil edilməsi düzgün deyil. Bu turnuvaya yalnız meydanda haqq qazanaraq qatılmaq olar.”

Abodi əlavə edib ki, yarışın təşkilatçısı olan FIFA-nın belə bir addım atması “yalnız mümkünsüz deyil, eyni zamanda uyğun olmayan qərar” olardı.

Qeyd edək ki, martın 31-də Avropa seçmə mərhələsinin pley-off finalında səfərdə Bosniya və Herseqovinaya məğlub olaraq mübarizəni dayandıran İtaliya ardıcıl üçüncü dəfə Dünya Kubokundan kənarda qalıb. Bu fonda Zampollinin sözügedən təklifi ölkə ictimaiyyətində geniş rezonans doğurub.

//Gülnarə Abasova, Editor.az