Çin Prezidenti Si Cinpinin ABŞ-a planlaşdırılan səfəri öncəsi Pekinin böyük biznes nümayəndə heyəti formalaşdırdığı bildirilir.

Editor.az xəbər verir ki, Reuters-in eksklüziv məlumatına görə, Si Cinpinin Vaşinqtona səfəri zamanı onu çoxsaylı iri Çin şirkətlərinin rəhbərlərindən ibarət nümayəndə heyətinin müşayiət etməsi gözlənilir.

Bu addım dünyanın iki ən böyük iqtisadiyyatı arasında ticarət və investisiya məsələlərinin danışıqların əsas mövzularından biri olacağını göstərir.

ABŞ-Çin münasibətlərində ticarət, texnologiya, investisiya və geosiyasi rəqabət əsas fikir ayrılığı mövzuları olaraq qalır. Buna görə də mümkün sammit iki ölkə arasındakı münasibətlərin gələcək istiqaməti baxımından mühüm əhəmiyyət daşıyır.

//Samir Qurbanov, Editor.az