Bakıda ictimai nəqliyyatda xoşagəlməz hadisə baş verib.

Oxu.Az xəbər verir ki, insident Nəsimi rayonu, Akademik Həsən Əliyev küçəsində qeydə alınıb.

Belə ki, 61 nömrəli müntəzəm marşrut xətti üzrə hərəkət edən “Otokar” markalı avtobusun qarşısını dayanacaqdan kənar yerdə kəsərək saxladan qadın sərnişin əsəbi halda nəqliyyat vasitəsinə zərər vurub. O, avtobusun şüşəsilənlərini qoparıb və zərbələr endirərək ön şüşəsini sındırıb.

Xuliqanlıq əməli ilə bağlı Daxili İşlər Nazirliyinin (DİN) “102” xidmətinə məlumat verilib.