Türkiyənin Gürcüstanın Batumi şəhərindəki baş konsulu Adnan Altay Altınörs Xarici İşlər Nazirliyi tərəfindən geri çağırılıb.

Buna səbəb diplomatın Batumidəki kazinolardan birində çəkilmiş fotoşəkillərinin sosial şəbəkələrdə yayılması olub.

Nazirliyin apardığı araşdırmadan sonra Altınörsün yerinə sonuncu dəfə 2025-ci ildə Türkiyənin Tiflisdəki səfirliyində müşavir vəzifəsində çalışmış Banu Terzioğlu təyin edilib.

Batumiyə baş konsul təyin olunan 46 yaşlı Banu Terzioğlu Yaxın Şərq Texniki Universitetinin (ODTÜ) Beynəlxalq münasibətlər fakültəsinin məzunudur.

Musavat.com