Belçika dondurulmuş Rusiya aktivlərinin birbaşa müsadirə edilməsindən daha çox, onları Moskva ilə danışıqlarda təzyiq vasitəsi kimi istifadə etməyi nəzərdən keçirir.

Belçika tərəfi hesab edir ki, digər ölkələr Rusiya aktivlərinin müsadirəsi nəticəsində yarana biləcək hüquqi və maliyyə risklərini bölüşməyə hazır deyil. Bu səbəbdən Brüssel aktivlərin tam müsadirəsinə ehtiyatla yanaşır.

Hazırda Avropada Rusiyanın təxminən 210 milyard avro həcmində suveren aktivləri dondurulub. Bu vəsaitlərin böyük hissəsi Belçikada yerləşən Euroclear maliyyə infrastrukturu vasitəsilə saxlanılır.

Müzakirə olunan variantlardan biri aktivlərin birbaşa müsadirəsi əvəzinə onlardan Ukraynaya maliyyə dəstəyi üçün təminat və ya «reparasiya krediti» mexanizmi çərçivəsində istifadə edilməsidir. Belə yanaşmada Rusiya aktivlərinin hüquqi statusunun qorunması və onların gələcək danışıqlarda Moskva üzərində əlavə təzyiq aləti kimi saxlanılması nəzərdə tutulur.

Belçikanın mövqeyinə görə, dondurulmuş aktivlər Rusiya ilə gələcək sülh danışıqlarında mühüm rıçaq rolunu oynaya bilər. Brüssel eyni zamanda bu vəsaitlərlə bağlı mümkün məhkəmə iddiaları və maliyyə risklərinin yalnız Belçikanın üzərinə düşməməsini istəyir.

//Samir Qurbanov, Editor.az