“Eurohome” tikinti materiallarının satışı bazarınının fəaliyyəti dayandırılıb.

Editor.az  xəbər verir ki, bu barədə Fövqəladə Hallar Nazirliyi məlumat yayıb.

Bildirilib ki, nazirliyin Dövlət Yanğın Nəzarəti Xidməti Nərimanov rayonu, Təbriz küçəsi 2 ünvanında yerləşən “Eurohome” tikinti materiallarının satışı bazarında keçirilən yoxlama zamanı yanğın təhlükəsizliyi sahəsində bir sıra nöqsanlar aşkar edilib:

“Yanğın təhlükəsizliyi norma və qaydalarının tələblərinin kobud pozulması faktları aşkalanmış Bakı şəhərinin Nərimanov rayonu, Təbriz küçəsi 2 ünvanında yerləşən “Eurohome” tikinti materiallarının satışı bazarınının fəaliyyətinin dayandırılması barədə qərar qəbul olunub və onun bir nüsxəsi obyektin nümayəndəsinə təqdim edilib”.