ABŞ Silahlı Qüvvələri Kubada mümkün hərbi əməliyyata hazırlıqları davam etdirir.

Oxu.Az xəbər verir ki, bu barədə “CBS News” ABŞ Quru Qoşunlarının daxili sənədinə və mənbələrə istinadən məlumat yayıb.

Qeyd olunub ki, ABŞ Quru Qoşunlarında Mərkəzi və Cənubi Amerika, eləcə də Karib regionunu əhatə edən Cənub Komandanlığının məsuliyyət zonasına altı növ bölmənin göndərilməsi imkanına baxılır.

“Söhbət maddi-texniki təminat batalyonu, mühəndis batalyonu, arxa təminat komandanlığı, tibbi briqada, reanimasiya-cərrahiyyə dəstəsi və hərbi polis briqadasından gedir. Bildirişdən məlum olur ki, bu bölmələrə 90-120 gün ərzində ehtiyac yarana bilər. Bildirişdə birbaşa Kubanın adı çəkilməsə də, bu sorğu Kuba ilə bağlı davam edən hərbi planlaşdırmaya aiddir”, – deyə məlumatda bildirilir.

Xatırladaq ki, avqust ayında Pentaqon rəhbəri Pit Heqset ABŞ-nin Kuba ilə bağlı hərbi əməliyyatlar da daxil olmaqla gələcək addımlar üçün bütün variantları nəzərdən keçirdiyini bildirmişdi.