Macarıstanın baş naziri Viktor Orban hələ də Ukraynaya 50 milyard avroluq yardım paketinin buraxılmasına mane olarsa, Avropa Birliyi ölkələri Brüssellə müvəqqəti razılaşma əldə etməyə çalışan nümayəndələrin yeni görüşü zamanı Avropa Sülh Fonduna ayrılan vəsaitin artırılmasını dəstəkləyəcək.

Editor.az bu barədə “Politico” ya istinadən xəbər verir. Bu plana fondun büdcəsinin 5 milyard avro məbləğində yenilənməsinin ən qısa zamanda təsdiqi, qəbulu və Avropadan birgə silah alışına keçid daxildir.

Bildirilib ki, əvvəlcə bu qərarı qəbul etməyən Macarıstan sülh fondunun silah tədarükü üçün uyğun ola biləcək yeni alt şöbəsi olan “Ukraynaya Yardım Fondu”nun yaradılması ilə bağlı mövqeyini yumşaldıb. Diplomatlar onu da qeyd ediblər ki, bütün Aİ ölkələri bu planı təsdiqləməzdən əvvəl çox iş görülməlidir.

Qeyd edək ki, yanvarın 30-da Aİ liderləri hələ də Macarıstanı Ukraynaya yardım üçün 50 milyard avroluq maliyyə yardımını təsdiqləməyə razı sala bilməyiblər.

//Gülnarə Abasova, Editor.az