İsveçdə seçkilərin nəticəsi hökumətin gələcək kursunu müəyyən edə bilər

İsveçdə keçiriləcək parlament seçkiləri ölkənin siyasi gələcəyi baxımından mühüm sınaq hesab olunur.

Associated Press-in məlumatına görə, seçkilərdə 8 milyondan çox seçicinin səs verməsi gözlənilir. Mübarizə əsasən Baş nazir Ulf Kristerssonun rəhbərlik etdiyi sağ-mərkəzçi blokla keçmiş baş nazir Magdalena Anderssonun təmsil etdiyi mərkəz-sol qüvvələr arasında gedir.

Seçkilərin əsas sualı yalnız hansı partiyanın daha çox səs toplayacağı deyil, parlamentdə hökumət formalaşdırmaq üçün hansı siyasi blokun kifayət qədər dəstək qazana biləcəyidir.
Xüsusi diqqət İsveç Demokratlarına yönəlib. Vaxtilə radikal sağ mövqeləri ilə tanınan partiya son illərdə İsveç siyasətində daha böyük təsir əldə edib.
İsveçin NATO-ya üzvlüyü və Ukraynaya dəstək məsələləri isə ölkənin əsas siyasi qüvvələri arasında geniş şəkildə dəstəklənir.

//Samir Qurbanov, Editor.az