İspaniyanın baş naziri Pedro Sançes ABŞ prezidenti Donald Trampın ölkəyə tətbiq etdiyi ticarət tariflərindən sonra Avropa İttifaqını Çinlə münasibətlərinə yenidən baxmağa çağırıb.

Editor.az bu barədə Bloomberg-ə istinadla yazır.

“Ticarət müharibəsi heç kimin marağında deyil. Ticarət müharibəsində heç kim qalib gəlmir. Bütün ölkələr itirir, xüsusən də işçilər və orta təbəqə”,- deyə bildirilib.

İspaniyanın baş naziri hesab edir ki, Vaşinqtonun hərəkətləri Avropanı yeni tərəfdaşlar tapmaqda öz yanaşmasına yenidən baxmağa məcbur etməlidir. Siyasətçi yeni reallığa uyğunlaşmağa, o cümlədən Çinə münasibətə yenidən baxmağa çağırıb.

Qeyd edək ki, Tramp aprelin 2-də 185 ölkə üçün yeni idxal tarif sistemi tətbiq edib. Bütün idxal olunan mallar üçün baza dərəcəsi 10% olduğu halda, ayrı-ayrı ölkələr üçün bu əhəmiyyətli dərəcədə yüksək olub: Çin üçün 34%, Vyetnam üçün 46% və Avropa İttifaqı üçün 20%. Çin buna cavab olaraq Amerika mallarına 34% rüsum tətbiq edib. Dünya liderləri Trampın qərarını pisləyərək qisas alacağı ilə hədələyiblər.

//Gülnarə Abasova, Editor.az