Rusiya Prezidenti Vladimir Putin Ukraynaya qarşı başlatdığı müharibəni 2026-cı ilin sonuna qədər bitirməyə çalışır.

Media mənbələri vurğulayır ki, Putin müharibənin Rusiya üçün “qələbə” hesab etdiyi şərtlərlə bitməsini istəyir. Bunlara Rusiyanın 2014-cü ildən bəri ələ keçirə bilmədiyi Donetsk və Luqansk bölgələri üzərində tam nəzarət daxildir. Kreml Avropa ilə Rusiyanın Ukrayna ərazilərini işğal etməsini effektiv şəkildə tanıyan geniş təhlükəsizlik razılaşması əldə etmək istəyir. Putinin mətbuat katibi Dmitri Peskov məsələ ilə bağlı son tarix olduğunu təkzib edib.

Qeyd edək ki, hərbi komandanlıq Putini Rusiya ordusunun payıza qədər Donbası ələ keçirməyə qadir olduğuna inandırıb. Media mənbələri iddia edir ki, bundan sonra Kreml yeni ərazi tələbləri irəli sürməklə istənilən potensial atəşkəsin qiymətini qaldırmağa çalışa bilər.

“The New York Times” qəzetinin 11 mayda verdiyi məlumata görə, Rusiyanın hazırkı irəliləyiş tempində Donbası tamamilə ələ keçirmək üçün 30 ildən çox vaxt lazım olacaq. “Bloomberg” yazır ki, Ukrayna prezidenti Volodymyr Zelenskinin sözlərinə görə, Rusiya əlavə 100.000 əsgər cəlb etməyi planlaşdırır ki, bu da çox da populyar olmayan bir addımdır.

//Samir Qurbanov, Editor.az