Azərbaycanın Türkiyədəki səfirliyində təhsil məsələləri üzrə müşavir vəzifəsinə təyinat olub.

Oxu.Az xəbər verir ki, bu vəzifəyə Müjdat Həsənov gətirilib.

Qeyd edək ki, o, bu təyinatadək Elm və Ali Təhsil üzrə Dövlət Agentliyinin Beynəlxalq əməkdaşlıq şöbəsinin müdiri vəzifəsində çalışıb.

Xatırladaq ki, bu ilin aprel ayında Azərbaycanın Türkiyədəki səfirliyində təhsil məsələləri üzrə müşavir Nəcibə Nəsibova tutduğu vəzifədən ayrılıb. Onu Müjdat Həsənov əvəzləyib.