Belarus Prezidenti Alexander Lukashenko Ukrayna Prezidenti Volodymyr Zelenskyynin nümayəndələri ilə görüş keçirdiyini açıqlayıb.

Lukaşenko bu barədə Belarus rəsmiləri ilə keçirilən müşavirədə danışıb. Onun sözlərinə görə, tərəflər arasında təmaslar baş tutub və görüş zamanı bir sıra aktual məsələlər müzakirə edilib.

Belarus lideri çıxışında dialoqun vacibliyini vurğulayaraq, problemlərin qarşılıqlı anlaşma yolu ilə həll edilməsinin tərəfdarı olduğunu bildirib. O, “Gəlin insan kimi danışaq və razılığa gələk” ifadəsini işlədib.

Görüşün yeri, iştirakçıların tərkibi və müzakirə olunan məsələlərin detalları barədə əlavə məlumat verilməyib. Ukrayna tərəfi isə hələlik məsələ ilə bağlı rəsmi açıqlama yaymayıb.

//Samir Qurbanov, Editor.az