Ukraynadakı münaqişənin həllində Amerika tərəfinin vəzifəsi Moskva və Kiyevi qane edən bir həll yolu tapmaqdır.

Musavat.com xəbər verir ki, bunu Amerika prezidentinin kürəkəni Cared Kuşner Kiyevdə keçirilən Yalta Avropa Strategiyası konfransında video bağlantı vasitəsilə çıxışı zamanı deyib. O bildirib ki, Ukrayna hazırda Rusiyanın şərtlərini qəbul etmək istəmir.

Kuşnerin sözlərinə görə, Rusiya “nəyə nail olmaq istədiyinin hədlərini” müəyyən edib: “Əgər Ukrayna bu həddə qədər geri çəkilmək istəsəydi, əlbəttə ki, razılaşmanın qalan hissəsi ilə razılaşardıq. Ukrayna hazırda bunu etmək istəmir. Əlbəttə ki, vasitəçi kimi bizim vəzifəmiz onların istəklərinə zidd olmayan və məqsədlərinə çatmalarına kömək edən yaradıcı bir həll yolunu necə hazırlaya biləcəyimizi anlamaqdır. Düşünürəm ki, biz kifayət qədər çox şeyə nail olmuşuq. Bütün bu elementlər üzərində işləmək baxımından irəliləməyə davam edəcəyik ki, razılaşma əldə etmək istəyi yarandıqda onu həyata keçirə bilək”.
Kuşner Moskvada və Kiyevdəki görüşlərinin çox yaxşı keçdiyini qeyd edib.