ABŞ və Çin “1920-ci illərdə İqlim Fəaliyyətini Gücləndirmək üçün İşçi Qrupu” yaratmaq barədə razılığa gəliblər.

Editor.az bu barədə iki ölkənin birgə bəyanatına istinadən xəbər verir. Sənəddə qeyd edildiyi kimi, belə bir qrup konkret iqlim fəaliyyətinin həyata keçirilməsini sürətləndirmək üçün dialoq və əməkdaşlıq etmək üçün yaradılacaq. Qrup enerji keçidi, metan emissiyaları, dairəvi iqtisadiyyat, resurs səmərəliliyi, aşağı karbonun inkişafı, meşələrin qırılması və digər mövzular üzərində işləyəcək. Bildirilib ki, bu qrupa iki dövlətin iqlim məsələləri üzrə xüsusi nümayəndələri rəhbərlik edəcək.

Bundan əvvəl ABŞ Maliyyə Naziri Janet Yellen demişdi ki, dünyanın iki ən böyük iqtisadiyyatı olan ABŞ və Çin iqlim dəyişikliyinin “ekzistensial təhlükəsi” ilə mübarizə aparmaq üçün birlikdə çalışmalıdırlar. Onun sözlərinə görə, Vaşinqton və Pekin arasında bu sahədə əvvəlki əməkdaşlıq iqlim dəyişikliyi ilə bağlı 2015-ci il Paris sazişini mümkün edib.

//Gülnarə Abasova, Editor.az