Tramp administrasiyası Kubaya qarşı hərbi hücumları getdikcə daha çox nəzərdən keçirir.

“Politico”nun məlumatına görə, Donald Tramp və onun köməkçiləri adanın yanacağının kəsilməsini də əhatə edən ABŞ-ın təzyiq kampaniyasının Kuba liderlərinin əhəmiyyətli iqtisadi və siyasi islahatlara razılığını təmin edə bilməməsindən məyusdurlar. Buna görə də, onlar hərbi variantı əvvəlkindən daha ciddi qəbul edirlər.

“Əhval-ruhiyyə qəti şəkildə dəyişib. Kuba ilə bağlı ilkin fikir rəhbərliyin zəif olması və artan sanksiyaların, faktiki neft blokadasının və ABŞ-ın Venesuela və İrandakı açıq hərbi qələbələrinin kubalıları razılığa gəlməyə məcbur etməsi idi. İndi İran doğru yoldan dönüb və kubalılar əvvəlcə gözləniləndən daha sərt olduqlarını sübut edirlər. Buna görə də, əvvəllər nəzərdə tutulmayan hərbi əməliyyatlar indi gündəmdədir”, – deyə nəşrin mənbələrindən biri bildirib.

Qeyd edək ki, ötən həftə ABŞ-ın keçmiş Kuba prezidenti Raul Kastronu ittiham etməyə hazırlaşdığı açıqlayıb. Bu, ABŞ-ın Venesuela lideri Nikolas Maduro ilə etdiyi kimi Kastronu devirmək üçün hərbi əməliyyat başlada biləcəyi ilə bağlı fərziyyələrə səbəb olub.

//Samir Qurbanov, Editor.az