İstanbulda tanınmış simaların da aralarında olduğu şəxslərə qarşı narkotik əməliyyatı keçirilib.

Editor.az xəbər verir ki, əməliyyat Bakırköy Respublika Baş Prokurorluğunun apardığı “Məşhurlara qarşı narkotik araşdırması” çərçivəsində İstanbul İl Jandarma Komandanlığının əməkdaşları tərəfindən təşkil olunub.

Əməliyyat nəticəsində ümumilikdə 15 nəfər saxlanılıb.

Saxlanılanlar arasında tanınmış aktyor Aras Bulut İynemli, müğənni Sefo (Seyfullah Sağır), aktrisa Melis Sezen, Nilperi Şahinkaya, Melis İşiten, Yeliz Yeşilçimen və Hazal Filiz Küçükköse də yer alıb.

Siyahıda həmçinin Hande Demir, keçmiş futbolçu Hasan Şaş, müğənni Anıl Durmuş, Volkan Akçıray, Zeynep Akçıray, Eda Güzelcik, Sezer Çakır və Sayat Zurnacı da var.

//Gülnarə Abasova, Editor.az