Kreml ABŞ Konqresinin Rusiyaya qarşı yeni genişmiqyaslı sanksiya paketini qəbul etməsindən sonra bunun Ukrayna münaqişəsinin diplomatik yolla həllinə mane ola biləcəyini açıqlayıb.

Rusiya Prezidentinin mətbuat katibi Dmitri Peskov bildirib ki, Vaşinqtonun əlavə məhdudiyyətlər tətbiq etməsi Moskva ilə Kiyev arasında mümkün sülh razılaşmasına dair səyləri daha da çətinləşdirə bilər.

Yeni qanun layihəsi Rusiyanın enerji və müdafiə sektorlarına, həmçinin mövcud sanksiyalardan yayınmaqda istifadə olunan tanker donanmasına qarşı tədbirləri nəzərdə tutur. Sənəd ABŞ prezidentinə Rusiya neftindən və qazından asılılığı davam etdirən Çin, Hindistan və digər ölkələrə yüksək tariflər tətbiq etmək səlahiyyəti də verir.

Hindistan isə belə tədbirlərin Vaşinqtonla Dehli arasındakı münasibətlərə mənfi təsir göstərə biləcəyi barədə xəbərdarlıq edib.

//Samir Qurbanov, Editor.az