Macarıstan hökuməti korrupsiya ilə mübarizə məqsədilə yüksək vəzifəli dövlət qulluqçuları üçün məcburi maliyyə auditləri tətbiq etmək qərarına gəlib.

Editor.az Musavat.com-a istinadən xəbər verir ki, Baş nazir Peter Magyar bu barədə qanun layihəsinin tezliklə parlamentə təqdim ediləcəyini açıqlayıb: “Yüksək vəzifələrdə çalışan şəxslər üçün retrospektiv auditlər aparılacaq, vəzifəyə yeni başlayanlar isə iki ildən sonra audit olunacaq”.

O, hökumətin korrupsioner məmurların yayınmağa çalışdığı “faydasız gəlir bəyannaməsi sistemindəki boşluqları doldurmaq” qərarına gəlmədiyini vurğulayıb. O bildirib ki, plan bu şəxslərin faktiki maliyyə və əmlak vəziyyətinin ciddi auditini tələb edir.

Baş nazir qeyd edib ki, ilk mərhələdə bu vəzifə Milli Gömrük və Vergi Administrasiyasına həvalə ediləcək. Magyar aydınlaşdırıb ki, əgər o, hər hansı bir şəxsin qanunsuz varlanmasından şübhələnərsə, məsələni hüquq-mühafizə orqanlarına göndərəcək və sonra Milli Aktivlərin Bərpası və Qorunması Orqanı, Baş Prokurorluq və polis bununla məşğul olacaq.