Latviyada oktyabrın 3-də keçiriləcək parlament seçkiləri ərəfəsində ölkənin təhlükəsizlik siyasəti, yaşayış xərcləri və Rusiya ilə münasibətlər əsas müzakirə mövzularına çevrilib.

Editor.az xəbər verir ki, Reuters-in istinad etdiyi SKDS/LSM sorğusuna əsasən, 14 siyasi qüvvədən 7-si parlamentə daxil olmaq üçün tələb olunan 5 faizlik həddi keçmək imkanına malikdir. Lakin sorğuda iştirak edənlərin təxminən üçdə biri hələ qərar vermədiyini və ya səsverməyə getməyəcəyini bildirib.

Latviya NATO və Avropa İttifaqının üzvüdür və Rusiya ilə sərhədə malikdir. Buna görə də milli təhlükəsizlik məsələləri seçki kampaniyasında mühüm yer tutur.

Seçkilər 100 yerlik parlamentin yeni tərkibini müəyyənləşdirəcək. Koalisiya hökumətinin formalaşdırılması üçün bir neçə siyasi qüvvənin əməkdaşlığına ehtiyac yarana bilər.

//Samir Qurbanov, Editor.az