Rusiyanın Federal Təhlükəsizlik Xidməti (FTX) Moskvada Britaniya diplomatlarını hədəf alan və “saxta bayraq” (false flag) əməliyyatı olduğu iddia edilən bir təşəbbüsün üstünün açıldığını elan edib.

Editor.az xəbər verir ki, iddiaya görə, saxlanılan keçmiş səfirlik mühafizəçisi Ukrayna kəşfiyyatı adından diplomatların hərəkətləri ilə bağlı şəxsi məlumatları və digər informasiyaları toplayıb.

Moskva iddia edib ki, sözügedən plan Böyük Britaniyanı Rusiya ilə birbaşa münaqişəyə cəlb etmək və Ukraynaya hərbi dəstəyi artırmaq məqsədi daşıyır.

//Dəniz Pənahova, Editor.az