Almaniyada keçirilən regional seçkilər ölkənin siyasi mənzərəsində ciddi dəyişikliklərin davam etdiyini göstərib.

Editor.az xəbər verir ki, Reuters-in məlumatına görə, həm sağ, həm də sol siyasi qüvvələr səs paylarını artırıb və bu, kansler Fridrix Merzin rəhbərlik etdiyi hökumət üçün yeni siyasi təzyiqlər yaradıb.

Meklenburq-Qərbi Pomeraniya əyalətində sağçı AfD seçkilərdə birinci yeri tutub. Bu nəticə partiyanın Almaniyanın şərqində siyasi təsirinin artdığını göstərən son nümunələrdən biri kimi qiymətləndirilir.

Reuters qeyd edir ki, seçkilərin nəticələri Almaniyanın ənənəvi siyasi mərkəzində parçalanmanın dərinləşdiyini göstərir. Eyni zamanda Merz hökuməti iqtisadi islahatlar proqramını həyata keçirmək və ölkənin iqtisadi artımını sürətləndirmək məqsədilə planlarını davam etdirmək niyyətindədir.

//Samir Qurbanov, Editor.az