Rusiyanın Oryol vilayətində yerləşən “Tsimbulova” dronodromuna endirilən zərbənin nəticələrini əks etdirən görüntülər yayılıb.
Məlumata görə, avqustun 30-na keçən gecə Ukrayna Müdafiə Qüvvələri Rusiyanın ərazisində zərbə PUA-larının saxlanılması və buraxılması ilə əlaqəli obyektlərə silsilə zərbələr endirib.
Hədəflərdən biri Oryol şəhərindəki “Tsimbulova” dronodromu olub. İlkin məlumatlara əsasən, zərbə nəticəsində PUA-ların buraxılması üçün istifadə olunan qurğulardan biri və pilotsuz uçuş aparatlarının saxlandığı ərazi vurulub.
Yayılan görüntülərdə obyektin zərbədən sonrakı vəziyyəti əks olunub. Hadisə nəticəsində dəymiş ziyanın tam miqyası və digər mümkün itkilərlə bağlı məlumatlar hazırda dəqiqləşdirilir.
“Tsimbulova” ərazisində PUA-ların saxlanılması və buraxılması üçün infrastrukturun yerləşdiyi bildirilir.