Maliyyə naziri: Ölkə yeni borc götürmədən müdafiə qabiliyyətini gücləndirə bilməz

Almaniyanın maliyyə naziri Lars Klinqbayl ölkənin müdafiə qabiliyyətini artırmaq üçün əlavə borclanmanın qaçılmaz olduğunu bildirib.

Editor.az xəbər verir ki, Reuters-in məlumatına görə, nazir Almaniyanın mövcud maliyyə imkanları ilə qarşısına qoyduğu müdafiə məqsədlərinə çatmasının mümkün olmadığını deyib.

Berlin son illərdə Avropanın təhlükəsizlik vəziyyətində baş verən dəyişikliklər fonunda hərbi xərcləri əhəmiyyətli dərəcədə artırmağa çalışır.

Almaniya hökuməti həm NATO qarşısında götürdüyü öhdəlikləri yerinə yetirmək, həm də silahlı qüvvələrinin texniki imkanlarını yeniləmək istəyir.

Lakin müdafiə xərclərinin artırılması ölkə daxilində ciddi maliyyə müzakirələrinə səbəb olur. Yeni borclanma Almaniyanın dövlət maliyyəsi üzərində əlavə yük yarada bilər.
Bununla belə, hökumət hesab edir ki, Avropada təhlükəsizlik vəziyyətinin pisləşməsi müdafiəyə daha çox vəsait ayrılmasını zəruri edir.

//Samir Qurbanov, Editor.az