Çinin cənub-qərb bölgəsindəki Sıçuan bölgəsində 5.5 maqnitudalı zəlzələ baş verib.

Oxu.Az xəbər verir ki, bu barədə Rusiya Elmlər Akademiyası Vahid Geofizika Xidməti məlumat yayıb.

Məlumata əsasən, bu gün saat 14:40-da (Bakı vaxtı ilə 10:40-da) baş verən seysmik hadisənin episentri Tszyanyu şəhərindən 18 kilometr şimal-qərbdə olub.

Yeraltı təkanlar episentrdəki gücünə və intensivliyinə görə “çox güclü” kateqoriyasına aid edilib.

ABŞ-nin Geoloji Xidməti isə zəlzələnin maqnitudasının 5.4 olduğunu açıqlayıb. Onların hesablamalarına görə, seysmik hadisənin ocağı 10 kilometr dərinlikdə yerləşib.

İtki və dağıntı barədə məlumat verilməyib.