İran ordusu ABŞ və İsrailə xəbərdarlıq edərək keçmiş Ali Rəhbər Ayətullah Xameneinin dəfn mərasimi zamanı təxribatçı hərəkətlərin sərt qisasla nəticələnəcəyini bəyan edib.

“Yeni Sabah” Təsnim-ə istinadla xəbər verir ki, “Xatəmül-Ənbiya” Baş Qərargahının komandanı general Əli Abdüllahi bildirib:

“Biz İranın düşmənlərini, xüsusən də ABŞ-ı, sionist rejimi və onların regional və qeyri-regional əlbirlərini səhv hesablamalardan çəkinməyə və sevimli ölkəmizin ərazisində hər hansı bir təcavüz və ya təcavüz aktının ağır nəticələrini nəzərə almağa çağırırıq”.

Ə.Abdullahi İran ordusunun ölkənin müstəqilliyini, suverenliyini və ərazi bütövlüyünü müdafiə etməyə hazır olduğunu bildirib.

O, İran xalqını qarşıdan gələn dəfn mərasimlərində iştirak edərək birlik nümayiş etdirməyə çağırıb.