Rusiya Xarici İşlər Nazirliyinin sözçüsü Mariya Zaxarova, Avropa Parlamentinin 30 apreldə qəbul etdiyi anti-Azərbaycan qətnaməsindən sonra Azərbaycan parlamentinin Avropa Parlamenti ilə bütün qarşılıqlı əlaqələri dayandırmaq qərarını dəstəkləyib.

“Bakının sözdə Avropa Parlamenti ilə bütün əlaqələri dayandırmaq qərarı təəccüblü deyil. Azərbaycan bu qurumun kobudluğu, hörmətsizliyi və suveren dövlətlərin daxili işlərinə birbaşa müdaxiləsi ilə üzləşən tək ölkə deyil. Bu qurum sınmış printer kimi sonsuz olaraq qeyri-elmi, təkcə siyasiləşdirilmiş deyil, həm də saxta qətnamələr çıxarır. Bu qətnamələrin üçüncü ölkələrə ünvanlanan dili əsasən təkəbbürlü və himayədarlıqdır, sanki hansısa ana ölkə öz müstəmləkələri ilə danışır”, – deyə o bildirib.

Diplomat əlavə edib ki, Rusiya Aİ ilə konstruktiv əlaqələri dəstəkləyir. “Biz başa düşürük ki, Bakı digər Avropa qurumları ilə dialoqu davam etdirir və bunu etmək üçün suveren hüququna malikdir. Aİ-nin xarici işlər və təhlükəsizlik siyasəti üzrə ali nümayəndəsi Kaja Kallasın mayın 5-də Bakıya səfəri baş tutub və bu, istənilən dövlətin suveren hüququdur”, – deyə o, yekunlaşdırıb.

//Samir Qurbanov, Editor.az