Rusiya Silahlı Qüvvələrinin 4-cü əlahiddə motoatıcı briqadasının komandiri, general-mayor Anton Qrunis öldürülüb.

Editor.az Axar.az-a istinadla xəbər verir ki, bu barədə “Anna Nyus” saytı briqadadakı mənbəyə istinadla məlumat yayıb.

Generalın dəqiq ölüm tarixi, yeri və hansı şəraitdə öldürülməsi barədə məlumat verilməyib.

Qeyd edək ki, Anton Qrunis Konstantinovkanın işğalı barədə Rusiya Prezidenti Vladimir Putinə məruzə etmişdi.

Avqustun 28-də Rusiya müdafiə naziri Andrey Belousov Qrunisi ölkənin ən ali dövlət mükafatı hesab olunan “Qızıl ulduz” medalı ilə təltif etmişdi.