Trampın açıqlamasından sonra da Rusiya və Ukrayna enerji obyektlərini vurmaqda davam edir

ABŞ Prezidenti Donald Tramp Rusiya və Ukraynanın enerji infrastrukturuna qarşı hücumları dayandırmaq barədə razılığa gəldiyini açıqlasa da, tərəflərin qarşılıqlı zərbələri davam etdirilir.

Editor.az xəbər verir ki, Reuters-in məlumatına görə, Rusiya gecə saatlarında Ukraynaya təxminən 200 pilotsuz uçuş aparatı ilə hücum edib. Kiyevdə yanacaqdoldurma məntəqələri, digər bölgələrdə isə liman infrastrukturu zərər görüb. Hücumlar nəticəsində ölənlərin olduğu bildirilir.
Ukrayna da öz növbəsində Rusiyanın neft emalı və pilotsuz uçuş aparatlarının istehsalı ilə bağlı obyektlərinə zərbələr endirib.

Kiyev enerji obyektlərinə hücumların dayandırılması üçün Rusiyanın da eyni addımı atmasını və müttəfiqlər tərəfindən etibarlı təhlükəsizlik təminatlarının verilməsini tələb edir.
Beləliklə, Vaşinqtonun diplomatik təşəbbüsünə baxmayaraq, enerji infrastrukturu müharibənin əsas hədəflərindən biri olaraq qalır.

//Samir Qurbanov, Editor.az