Rusiya təyyarəsi Belqorod vilayətində təsadüfən dəmir yolu relslərinə hava bombası atıb və nəticədə sərnişin qatarı relsdən çıxıb.

Editor.az xəbər verir ki, Rusiyanın ASTRA nəşrinin məlumatına görə, hadisə nəticəsində yaşlı bir qadın yaralanıb. Hadisə Belqorod vilayətinin Yakovlevski rayonunda baş verib. Hava bombası birbaşa dəmir yolu relslərinə düşüb və təxminən 25 metrlik relsə zərər verib. Bomba partlamayıb.

Razumnoyedən Tomarovkaya gedən və 15 sərnişin daşıyan qatarın maşinisti zədəni görüb təcili əyləclərə başlayıb. Lakin qatar qəzadan yayınmaq iqtidarında olmayıb və relsdən çıxıb. Hadisə nəticəsində 75 yaşlı bir qadın yaralanıb. Bomba zərərsizləşdirmə mütəxəssisləri hadisə yerinə gəlib və FAB-500 hava bombasını aşkar ediblər.

Əvvəlcə Belqorod vilayətinin qubernatoru Vyaçeslav Qladkov partlayışın relsdən çıxmasına səbəb ola biləcəyini bildirib. Daha sonra o, paylaşımı redaktə edib və bu versiyanın qeydini silib. Jurnalistlərin məlumatına görə, 2026-cı ilin əvvəlindən bəri Rusiya təyyarələri ya təsadüfən, ya da texniki nasazlıqlar üzündən ən azı 24 dəfə Rusiya ərazisinə hava bombaları atıb.

//Samir Qurbanov, Editor.az