Ötən gün Şəkidə yerləşən “Şəki Yaylası” istirahət mərkəzində kanatın trosunun qırılması nəticəsində iki nəfər həyatını itirib.

Editor.az “Bakupost”a istinadla xəbər verir ki, ölən şəxslərdən biri – Ucal Asif oğlu Bayramov – faciədən cəmi bir gün əvvəl evliliyinin birinci ildönümünü qeyd edibmiş.

Qeyd edək ki, hadisə nəticəsində Qax rayon Zərnə kənd sakini, 1996-cı il təvəllüdlü Coşqun Ceyhun oğlu Məmmədov və 27 yaşlı Ucal Asif oğlu Bayramov hadisə yerində həlak olublar.

Faktla bağlı Şəki Rayon Prokurorluğunda araşdırma aparılır.