Almaniya kansleri Fridrix Merz ölkəsinin daxili siyasi problemlərinə baxmayaraq, Avropanın təhlükəsizliyinin əsas prioritet olaraq qalacağını bildirib.

Editor.az xəbər verir ki, Merzin hökuməti iqtisadi çətinliklər, yaşayış xərclərinin artması və pensiya siyasəti ilə bağlı ciddi təzyiqlərlə üzləşir. Eyni zamanda, sağçı Almaniya üçün Alternativ (AfD) partiyasının mövqelərinin güclənməsi ölkədə siyasi rəqabəti daha da kəskinləşdirib.

Merz Ukraynaya dəstəyin davam etdirilməsinin Almaniyanın və Avropanın təhlükəsizliyi baxımından vacib olduğunu vurğulayıb. O, Rusiyanın müharibədə qələbəsinin Avropanın təhlükəsizlik sistemi üçün ciddi nəticələr doğura biləcəyini bildirib.

Analitiklər hesab edir ki, qarşıdakı regional seçkilər Merz hökumətinin gələcək siyasi mövqeyi üçün mühüm sınaq olacaq.

//Samir Qurbanov, Editor.az