ABŞ prezidenti Donald Tramp BMT Baş Assambleyasındakı çıxışında İran, Ukrayna və beynəlxalq təhlükəsizlik məsələlərinə toxunub.

Editor.az xəbər verir ki, Tramp ABŞ və İran arasında danışıqların davam etdiyini bildirib. O, tərəflər arasında müəyyən anlaşmanın əldə olunacağına ümid etdiyini deyib. ABŞ prezidenti eyni zamanda İranın nüvə silahına sahib olmasına imkan verilməyəcəyini vurğulayıb.

Ukrayna məsələsinə də toxunan Tramp Rusiya və Ukrayna rəhbərliyi ilə təmasların davam etdiyini və müharibənin diplomatik yolla həll ediləcəyinə inandığını söyləyib.
Tramp həmçinin süni intellekt, BMT-nin fəaliyyəti və beynəlxalq təşkilatlarda islahatlarla bağlı mövqeyini açıqlayıb.

//Samir Qurbanov, Editor.az