İsrail hökumət mənbələri “Əl-Monitor”a bildiriblər ki, daxili siyasi çətinliklər səbəbindən ABŞ-ın İrana qarşı hərbi kampaniyasını bərpa edəcəyinə şübhə edirlər.

ABŞ-ın Donald Tramp administrasiyası daxilindəki daxili siyasi problemlər və qlobal iqtisadi böhranın daha da artması riski səbəbindən İrana qarşı hücumları bərpa etməsi ehtimalı azdır. İsrail ABŞ-dakı vəziyyəti nəzərə alaraq İranla bağlı gələcək addımlar üçün müxtəlif ssenarilər hazırlayır. Lakin İsrail rəhbərliyi ümumiyyətlə Vaşinqtonun düşmənçilik əməliyyatlarını bərpa etməyəcəyini düşünür.

Mənbələr həmçinin qeyd ediblər ki, ABŞ və İsrail liderləri arasında təmaslar azalıb və ölkələr arasında münasibətlər nəzərəçarpacaq dərəcədə soyuyub. “Əl-Monitor”a görə, ABŞ-ın hazırkı məqsədi İranı Hörmüz boğazının nəzarətindən çıxarmaq və su yolundan istifadə ilə bağlı öz şərtlərini tətbiq etməkdir. İsrail Hörmüz böhranından sonra ABŞ-ın İranın nüvə və raket proqramları ilə bağlı problemləri arxa plana keçirəcəyindən qorxur, baxmayaraq ki, hərbi əməliyyat əvvəlcə məhz bu problemlər üzündən başlayıb.

//Samir Qurbanov, Editor.az