İran ABŞ-a xəbərdarlıq edərək İsrailin Livanın cənubunda Hizbullahın nəzarətində olan strateji yüksəkliklərə hücum edəcəyi təqdirdə Tehranın sərt cavab verəcəyini bildirib.

Editor.az xəbər verir ki, Reuters-in məlumatına görə, İran bu mesajı ABŞ-a diplomatik kanallar vasitəsilə çatdırıb. Söhbət Livanın cənubundakı strateji əhəmiyyət daşıyan yüksəklikdən gedir. İran hesab edir ki, həmin əraziyə qarşı mümkün İsrail əməliyyatı regionda qarşıdurmanın daha da genişlənməsinə səbəb ola bilər.

Məlumata əsasən, İsrail və Hizbullah arasında gərginlik fonunda bölgədə hərbi vəziyyət daha da mürəkkəbləşir. İranın xəbərdarlığı isə ABŞ-ın İsrail üzərindəki təsirindən istifadə edərək mümkün eskalasiyanın qarşısını almağa çalışması baxımından diqqət çəkir.

Hazırda əsas narahatlıq İsrail-Hizbullah qarşıdurmasının İran və ABŞ arasındakı daha geniş müharibə ilə birləşməsi və Yaxın Şərqdə yeni cəbhələrin açılması ehtimalıdır.

//Samir Qurbanov, Editor.az