Rusiya sərhədi yaxınlığındakı Çerniqov bölgəsindəki beş kilometrlik sərhəd zonasında təxminən 2400 hektar meşə sahəsi yanır. 

Bu barədə mayın 7-də “Ukrayna Meşələri” dövlət müəssisəsi yanğının videosunu yayımlayaraq məlumat verib. Daimi atəş və Rusiya qoşunlarının yaratdığı təhlükə səbəbindən meşəçilər sərhədə yaxın bəzi ərazilərə daxil ola bilmirlər. Düşmən istənilən texnikanı hədəf aldığı üçün şirkətin traktorları elektron müharibə mühafizəsi altında işləyir”, – deyə açıqlamada bildirilir.

Bir gün əvvəl şirkət nümayəndələri hərbi qulluqçular, Dövlət Fövqəladə Hallar Xidmətinin xilasediciləri və yerli hakimiyyət orqanları ilə koordinasiya iclası keçiriblər. Əsas məqsəd yanğının yaşayış məntəqələrinə yayılmasının qarşısını almaq olduğu bildirilib. Xidmət həmçinin bildirib ki, onlar bütün yeni yanğınsöndürmə avadanlıqlarını yerləşdiriblər, lakin hazırda Rusiya dronlarının havada davamlı fəaliyyəti səbəbindən onlardan tam istifadə edə bilmirlər.

//Samir Qurbanov, Editor.az