Hindistan Yaxın Şərqdəki müharibənin enerji təchizatını pozduğu üçün ABŞ-dan sanksiyalı Rusiya neftini almaq üçün güzəşt müddətini uzatmağı xahiş edib.

Hindistan rəsmiləri Vaşinqtona xəbərdarlıq ediblər ki, Yaxın Şərqdəki müharibə davam etdikcə, neft bazarında uzun müddət davam edən qeyri-sabitlik bir milyarddan çox hindli üçün ciddi nəticələrə səbəb olacaq. “Mənbələrə görə, bu, xüsusilə artıq məişət qazı çatışmazlığı ilə üzləşən 1,4 milyard hindliyə təsir edəcək”, – deyə “Bloomberg” qeyd edir.

Nəşr xatırladır ki, Yaxın Şərqdə müharibənin başlamasından sonra neft qiymətlərinin kəskin artması səbəbindən ABŞ mart ayında ABŞ sanksiyalarına məruz qalan Rusiya neftinin alışına müvəqqəti olaraq icazə verib və daha sonra güzəşti 16 maya qədər uzadıb. Jurnalistlər qeyd edirlər ki, Hindistan Rusiya neftini rekord sürətlə idxal edir, çünki neft emalı zavodları mövcud ABŞ güzəşt müddətinin bitməsindən əvvəl tam gücü ilə işləyir. May ayında Hindistana gündəlik Rusiya neft tədarükü “görünməmiş 2,3 milyon barelə çatıb. Analitiklər may ayının sonuna qədər Hindistanın gündə orta hesabla 1,9 milyon barel Rusiya nefti idxal edəcəyini proqnozlaşdırırlar.

//Samir Qurbanov, Editor.az