İran hərbi mütəxəssisləri Hörmüz boğazında yerləşən yeraltı raket bazalarına girişi bərpa ediblər.
Editor.az xəbər verir ki, “The New York Times” qəzetinin məlumatına görə, hazırda İran ordusu bu 33 yerdən 30-dan raket atmaq üçün istifadə edə bilər.

Nəşrin məlumatına görə, bu, Ağ Evdə narahatlıq yaradıb, çünki İran boğazın sularını zərbə məsafəsində saxlamaq imkanı əldə edib və bu da ABŞ Hərbi Dəniz Qüvvələri və tankerlər üçün təhlükə yaradır.
“The New York Times” qəzetinin məlumatına görə, İran ordusu yeraltı raket bazalarının (həm arsenal, həm də buraxılış məntəqələri) 90%-ni bərpa edib və müharibədən əvvəlki mobil raket sistemlərinin təxminən 70%-nə malikdir. İranın hərbi potensialı Donald Trampın və Pentaqonun müharibə zamanı ABŞ ordusunun vurduğu əhəmiyyətli ziyanla bağlı rəsmi açıqlamaları ilə üst-üstə düşmür.

Bu arada, ABŞ kəşfiyyat orqanları Vaşinqtona məxfi əsasda fərqli məlumatlar verir.

//Samir Qurbanov, Editor.az