ABŞ Prezidenti Donald Tramp Ağ Evdə Britaniya kral ailəsinin rəsmi qarşılanma mərasimində çıxışı zamanı Kral III Çarlz haqqında zarafat edib və Britaniyanı “kiçik” adlandırıb.

Oxu.Az bu barədə kp.ru-ya istinadən xəbər verir.

“Siz Konqresə gedəcəksiniz və elə bir çıxış edəsiniz ki, hamı sizin gözəl aksentinizə həsəd aparsın”, – deyə o, kinayə ilə qeyd edib.

Daha sonra D.Tramp Vaşinqton və London arasındakı tarixi əlaqələrdən danışarkən Birləşmiş Krallığı “kiçik” ölkə kimi xarakterizə edib. Ağ Evin rəhbəri, həmçinin anasının gələcək kral – o vaxtkı şahzadə Çarlza vurulduğunu xatırladıb.

“Anam Çarlza aşiq idi, buna inana bilirsiniz?” – deyə o bildirib.