ABŞ Prezidenti Donald Trampın qarşıdakı BMT Baş Assambleyasındakı çıxışı Vaşinqtonla Tehran arasında davam edən hərbi qarşıdurma fonunda beynəlxalq ictimaiyyətin diqqət mərkəzində olacaq.

Editor.az xəbər verir ki, “Reuters”in məlumatına görə, Trampın ötən il BMT-dəki çıxışından sonra ABŞ-İran münasibətlərində vəziyyət daha da gərginləşib. İranın nüvə obyektlərinə zərbələr, regiondakı silahlı qrupların fəaliyyəti və enerji marşrutlarına yaranan təhlükələr beynəlxalq gündəmdə əsas məsələlərə çevrilib.

Məlumata görə, İranla bağlı müharibənin uzanması ABŞ administrasiyasının diplomatik imkanları və Vaşinqtonun regiondakı siyasəti ilə bağlı müzakirələri də artırıb. Eyni zamanda, qarşıdurmanın neft və yanacaq bazarlarına təsiri dünya iqtisadiyyatı üçün əlavə risklər yaradır.

BMT Baş Assambleyasının yeni sessiyası çərçivəsində İran məsələsi ilə yanaşı, Yaxın Şərqdə təhlükəsizlik, enerji təchizatı və beynəlxalq diplomatiyanın gələcək istiqamətləri də müzakirə olunacaq.

//Samir Qurbanov, Editor.az