ABŞ administrasiyası İran Prezidenti Məsud Pezeşkian və xarici işlər naziri Abbas Əraqçinin BMT Baş Assambleyasının yüksək səviyyəli toplantısında iştirak etməsi üçün viza müraciətlərini təsdiqləyib.

Editor.az xəbər verir ki, Associated Press-in məlumatına görə, qərar ABŞ və İran arasında hərbi qarşıdurmanın davam etdiyi bir vaxtda qəbul edilib. İran nümayəndə heyətinə ABŞ ərazisində hərəkət və alış-verişlə bağlı müəyyən məhdudiyyətlər tətbiq olunacağı bildirilib.

ABŞ bu qərarı BMT-nin mənzil-qərargahına ev sahibliyi edən ölkə kimi üzərinə düşən öhdəliklər çərçivəsində izah edir.
Bununla yanaşı, İran nümayəndələrinin Nyu-Yorkda keçiriləcək toplantıda iştirakı iki ölkə arasında diplomatik kanalların mövcudluğuna dair diqqət çəkən məqam kimi qiymətləndirilir.

//Samir Qurbanov, Editor.az