ABŞ-da 2026-cı il Konqres seçkiləri yaxınlaşdıqca Respublikaçılar Partiyası ciddi siyasi təzyiqlərlə üzləşir.

Editor.az xəbər verir, Reuters-in təhlilinə görə, Prezident Donald Trampın reytinqinin aşağı düşməsi Respublikaçı namizədlər üçün əsas problemlərdən birinə çevrilib.

Seçicilərin diqqətində iqtisadi vəziyyət, yaşayış xərcləri və ABŞ-ın İranla müharibəsi kimi məsələlər xüsusi yer tutur.
Demokratlar isə seçicilərin narazılığından istifadə edərək Nümayəndələr Palatasında və Senatda mövqelərini gücləndirməyə çalışırlar.

ABŞ-da prezidentin partiyasının ara seçkilərində mandat itirməsi tarixən geniş yayılmış tendensiyadır. Buna görə də qarşıdakı seçkilər Tramp administrasiyasının daxili siyasət gündəliyi üçün mühüm sınaq hesab olunur