İranda keçmiş ali dini lider Əli Xameneinin dəfn mərasimindən yayılan görüntülər sosial şəbəkələrdə geniş müzakirə olunub.

Milli.Az CNN Türk-ə istinadən xəbər verir ki, videolarda ön sırada əyləşən, qara papaq, tibbi maska və eynək taxaraq üzünü gizlədən naməlum şəxsin Əli Xameneinin oğlu və hazırkı ali lider Müctəba Xamenei olduğu iddia edilir.

İddialara görə, təhlükəsizlik səbəbindən uzun müddətdir ictimaiyyət qarşısına çıxmayan Müctəba Xamenei mərasimə kimliyini gizlədərək qatılıb. Bununla belə, İran rəsmiləri görüntülərdəki şəxsin kimliyi ilə bağlı indiyədək rəsmi açıqlama verməyiblər.