İran parlamentinin sədri Məhəmməd Baqir Qalibaf bəyan edib ki, əgər ABŞ qarşılıqlı anlaşma memorandumunun şərtlərini yerinə yetirməkdən imtina edərsə, Tehran ölkənin tammiqyaslı müdafiəyə hazır olduğunu hesab edir.

Qalibaf bu barədə özünün Telegram kanalında paylaşım edib. O bildirib ki, İran razılaşmanın qarşılıqlı şəkildə icra olunmasını gözləyir və Vaşinqtonun öhdəliklərdən geri çəkilməsi halında ölkənin bütün müdafiə imkanları səfərbər ediləcək.

Bəyanat ABŞ və İran arasında əldə olunmuş memorandumun icrası ilə bağlı gərginliyin artdığı bir vaxta təsadüf edir. Son günlər hər iki tərəf bir-birini razılaşmanın şərtlərini pozmaqda ittiham edir ki, bu da bölgədə vəziyyətin yenidən gərginləşməsi ilə bağlı narahatlıqları artırır.

//Samir Qurbanov, Editor.az