ABŞ Maliyyə Nazirliyi İran neftinin hasilatı, daşınması və satışına imkan verən 60 günlük xüsusi lisenziya verib.

Bu barədə ABŞ-ın maliyyə naziri Scott Bessent sosial şəbəkədə məlumat yayıb.

Qərara əsasən, müəyyən əməliyyatlar çərçivəsində İran neftinin beynəlxalq bazarlara çıxarılmasına müvəqqəti icazə veriləcək. Ekspertlər hesab edirlər ki, bu addım qlobal enerji bazarında təklifin artmasına səbəb ola və neft qiymətləri üzərində aşağı istiqamətli təzyiq yarada bilər.

Analitiklərin fikrincə, İran neftinin bazara əlavə həcmlərlə qayıtması xüsusilə Yaxın Şərqdəki gərginlik fonunda enerji bazarlarında sabitliyin qorunmasına kömək edə bilər. Bununla yanaşı, qərarın uzunmüddətli təsirləri ABŞ-ın İran siyasətinin növbəti mərhələsindən asılı olacaq.

ABŞ tərəfindən verilən lisenziya 60 gün müddətində qüvvədə olacaq və bu dövr ərzində bazar iştirakçıları qərarın neft qiymətlərinə real təsirini diqqətlə izləyəcəklər.

//Samir Qurbanov, Editor.az