Türkiyənin simvollarından biri olan Anıtkabirdə – ölkənin banisi Mustafa Kamal Atatürkün xatirə kompleksində ukrayna dilində audio-bələdçi istifadəyə verilib.

Bu barədə Ukraynanın birinci xanımı Olena Zelenska sosial şəbəkə hesabında məlumat yayıb.

Bildirilib ki, yeni audio-bələdçi ukraynalı ziyarətçilərə Anıtkabiri öz ana dillərində tanımaq imkanı yaradacaq. Layihə Ukraynanın dünyanın müxtəlif ölkələrində muzey və tarixi məkanlarda ukraynadilli audio-bələdçilərin sayının artırılması təşəbbüsü çərçivəsində həyata keçirilib.

//Samir Qurbanov, Editor.az