NATO-nun baş katibi Mark Rutte Rusiyanın Ukraynaya qarşı hücumlarının və Avropada ehtimal olunan sabotaj fəaliyyətlərinin Avropa ölkələrini müdafiə imkanlarını gücləndirməyə sövq etdiyini bildirib.

Editor.az xəbər verir ki, “The Guardian”ın 10 sentyabr tarixli məlumatına görə, Rutte Berlin səfəri zamanı Rusiyanın hərəkətlərinin Avropada təhlükəsizlik narahatlıqlarını artırdığını və NATO ölkələrinin müdafiəyə daha çox investisiya yatırmasına səbəb olduğunu deyib.

Almaniya rəsmiləri də Rusiyadan gələn təhlükənin artıq nəzəri məsələ olmadığını vurğulayıblar. Avropa ölkələri xüsusilə dronlar, kiberhücumlar və kritik infrastrukturun mümkün sabotajına qarşı hazırlığı artırmağa çalışır.

Bu vəziyyət Avropada müdafiə xərclərinin növbəti illərdə daha da yüksələcəyi ehtimalını gücləndirir.

//Samir Qurbanov, Editor.az