Qubada usta iş görərkən yıxılıb ölüb.

Oxu.Az-ın məlumatına görə, hadisə avqustun 27-də saat 11 radələrində rayonun Dağlı kəndində baş verib.

Kənd sakini 1979-cu il təvəllüdlü Vahid Seyidbala oğlu Stalov kənddə yerləşən fərdi yaşayış evində təmir işləri görən zaman yüksəklikdən yıxılıb. O, aldığı xəsarətlərdən hadisə yerində vəfat edib.

Faktla bağlı Quba Rayon Prokurorluğunda araşdırma aparılır.