Efiopiya–Eritreya qarşıdurması və Yaxın Şərqdəki proseslər beynəlxalq gündəmin əsas mövzularındandır
Beynəlxalq gündəmdə təhlükəsizlik məsələləri yenidən ön plana çıxıb.

Efiopiya və Eritreya arasında diplomatik münasibətlərin kəsilməsi Şərqi Afrikada vəziyyətin daha da mürəkkəbləşməsi ilə bağlı narahatlıqları artırıb. Tiqrayda yenidən başlayan döyüşlər regional təhlükəsizlik üçün əlavə risk kimi qiymətləndirilir.

Editor.az xəbər verir ki, Məlumatlara görə, Tiqray bölgəsində hökumət qüvvələri ilə Tiqray Xalq Azadlıq Cəbhəsi arasında döyüşlər genişlənib. Münaqişə nəticəsində əhali arasında köçkünlərin sayı artır, bəzi ərazilərdə elektrik və internet xidmətlərinin fəaliyyətində problemlər yaranıb.

Digər tərəfdən, Yaxın Şərqdə davam edən qarşıdurmalar enerji bazarlarına və beynəlxalq iqtisadiyyata da təsir göstərir. Xüsusilə enerji qiymətlərinin yüksəlməsi müxtəlif ölkələrdə inflyasiya təzyiqlərini artıran amillərdən biri olaraq qalır.

//Samir Qurbanov, Editor.az